సైకిల్ ను ఢీ కొట్టిన ద్విచక్ర వాహనం

• చికిత్స పొందుతూ గ్రామీణ వైద్యుడు మృతి

ఎండపల్లి, ఫిబ్రవరి 12 (న్యూస్ తెలంగాణ):

జగిత్యాల జిల్లా ఎండపల్లి మండలం గుల్లకోటకు చెందిన గ్రామీణ వైద్యుడు (ఆర్.ఎం.పి) పత్రి గంగాధర్ (45) తన
వృత్తి లో భాగంగా ఫిబ్రవరి 4 ఆదివారం రోజున రాత్రి సుమారు 8 గంటల ప్రాంతంలో సైకిల్ పై ఇంటికి వెళ్తున్న సమయంలో స్థానిక బస్సు స్టాండ్ సమీపంలో ఎదురుగా వస్తున్న ద్విచక్ర వాహనం ఢీకొనగా తలకు రక్తస్రావంతో కూడిన బలమైన గాయాలయ్యాయి. ఇది గమనించిన కుటుంబ సభ్యులు హైదరాబాదులోని గాంధీ హాస్పిటల్ కు తరలించారు. ఈ తరుణంలో చికిత్స పొందుతూ ఆదివారం రోజున మృతి చెందాడని, మృతుని కొడుకు రాకేష్ (20) ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు వెల్గటూర్ మండల ఎస్సై కొక్కుల శ్వేత తెలిపారు.